ირაკლი კობახიძე გიორგი ბარამიძის განცხადებას „ამაზრზენსა და სამარცხვინოს“ უწოდებს

საქართველოს პრემიერ-მინისტრმა ირაკლი კობახიძემ გიორგი ბარამიძის მიერ გაკეთებული განცხადება მკვეთრად გააკრიტიკა. მთავრობის მეთაურის შეფასებით, აღნიშნული გამონათქვამი მორალური თვალსაზრისით სრულიად ამაზრზენი და სამარცხვინოა.

მედიასთან საუბრისას პრემიერმა ყურადღება გაამახვილა ოპოზიციისა და სამოქალაქო სექტორის დუმილზე. მისი თქმით, კოლექტიურ „ნაცმოძრაობას“, მათთან ასოცირებულ ტელეკომპანიებს, არასამთავრობო ორგანიზაციებსა და პარტიულ აქტივს ბარამიძის სიტყვებზე არანაირი რეაქცია არ ჰქონიათ.

რაც შეეხება საკითხის სამართლებრივ ჭრილს, ირაკლი კობახიძის განმარტებით, შესაძლო დარღვევებსა და შემდგომ ნაბიჯებზე გადაწყვეტილებას შესაბამისი უფლებამოსილი უწყებები მიიღებენ.