საქართველოში წელიწადნახევარში 164 ადამიანი დაიკარგა – შსს-ს საგანგაშო სტატისტიკა

შინაგან საქმეთა სამინისტროს ოფიციალური მონაცემების თანახმად, გასული წლისა და მიმდინარე წლის პირველი ექვსი თვის განმავლობაში საქართველოში სულ 164 ადამიანი დაიკარგა. სამართალდამცველები ამ დრომდე უშედეგოდ ეძებენ 57 მოქალაქეს. დაკარგულთა შორის არიან არასრულწლოვნებიც — ბოლო წელიწადნახევარში გაუჩინარებული 18 მოზარდიდან 4-ის ადგილსამყოფელი ჯერ კიდევ დაუდგენელია.

2026 წლის იანვარ-ივნისის მონაკვეთში უგზო-უკვლოდ დაკარგულად 41 პირი გამოცხადდა. პოლიციამ 25 მათგანის მიკვლევა შეძლო (მათ შორის ერთი გარდაცვლილი იპოვეს), ხოლო 16 ადამიანის სამძებრო სამუშაოები ამჟამადაც აქტიურად მიმდინარეობს. ასაკობრივ ჭრილში, მიმდინარე წელს ყველაზე მეტი გაუჩინარება — 20 შემთხვევა — 25-დან 45 წლამდე ასაკობრივ ჯგუფში დაფიქსირდა. ამ ჯგუფიდან 12 იპ��ვეს (მათ შორის ერთი უცხოელი გარდაცვლილი), 7 კი კვლავ იძებნება.

ამავე პერიოდში დაკარგული 5 არასრულწლოვანიდან ყველა მიაკვლიეს. რაც შეეხება უფროსი ასაკის მოქალაქეებს, 46-დან 60 წლამდე და 60 წელზე უფროსი ასაკის 7-7 დაკარგული პირიდან ორივე ჯგუფში 4-4 ადამიანის ძებნა გრძელდება. 18-დან 24 წლამდე ახალგაზრდებში დაფიქსირებული 2 შემთხვევიდან კი ერთი ნაპოვნია. აღსანიშნავია, რომ წელს დაკარგული 41 პირიდან 36 საქართველოს, ხოლო 5 უცხო ქვეყნის მოქალაქე იყო.

რაც შეეხება 2025 წლის მონაცემებს, გასულ წელს ქვეყანაში 123 ადამიანი დაიკარგ���. მათგან სამართალდამცველებმა 82 იპოვეს (69 ცოცხალი, 13 კი გარდაცვლილი), ხოლო 41 პირის პოვნა ვერ მოხერხდა. გასულ წელს გაუჩინარებული 13 მოზარდიდან 4 დღემდე იძებნება. სტატისტიკის მიხედვით, 1973 წლიდან დღემდე საქართველოში ჯამში 6 848 ადამიანი გამოცხადდა დაკარგულად, საიდანაც 1 017 პირის ბედი ამ დრომდე უცნობია.