ავსტრალიაში გიგანტური დინოზავრის ახალი სახეობა „ავსტრალოტიტანი“ აღმოაჩინეს

ავსტრალიელმა მკვლევრებმა კონტინენტის ისტორიაში ყველაზე მასშტაბური არქეოლოგიური მიგნება დაადასტურეს. პალეონტოლოგთა ჯგუფმა ოფიციალურად აღიარა დინოზავრის სრულიად ახალი სახეობა, რომელსაც „ავსტრალოტიტან��“ (Australotitan) უწოდეს.

გიგანტური არსების პირველადი ნაშთები ჯერ კიდევ 2007 წელს, კვინსლენდის შტატში მდებარე ერთ-ერთ კერძო ფერმაში იპოვეს. აღმოჩენილი ძვლების დეტალურ შესწავლასა და სხვა ცნობილ სახეობებთან შედარებით ანალიზს წლები დასჭირდა, რის შემდეგაც მეცნიერები საბოლოოდ დარწმუნდნენ, რომ საქმე უნიკალურ ტიტანოზავრთან ჰქონდათ.

სპეციალისტების გამოთვლით, ეს გიგანტი დედამიწაზე დაახლოებით 100 მილიონი წლის წინ დააბიჯებდა. მისი სიგრძე 25-დან 30 მეტრამდე აღწევდა, სიმაღლე 6 მეტრს შეადგენდა, ხოლო წონა 23-დან 74 ტონამდე მერყეობდა, რაც მას ავსტრალიაში ოდესმე ნაპოვნ უდიდეს პრეისტორიულ ცხოველად აქცევს.