შეიარაღებული თავდასხმა ქუთაისში: პოლიციამ ყაჩაღობაში ბრალდებული დააკავა

ქუთაისში მომხდარი ყაჩაღობის ფაქტი სამართალდამცველებმა გახსნეს. შინაგან საქმეთა სამინისტროს იმერეთის პოლიციის დეპარტამენტის თანამშრომლებმა, მოსამართლის განჩინების საფუძველზე, მძიმე დანაშაულში ეჭვმიტანილი პირი დააკავეს. სამართალდამცველების ცნობით, დაკავებულს წარსულშიც აქვს ჩადენილი სხვადასხვა დანაშაული.

საგამოძიებო მოქმედებებით დადგინდა, რომ მიმდინარე წლის 11 ივლისს, ბრალდებული ქუთაისში მცხოვრები ქალბატონის ბინაში შევიდა, მასზე ფიზიკურად იძალადა და ცეცხლსასროლი იარაღის მუქარით ძვირფასეულობის წართმევას შეეცადა, რის შემდეგაც შემთხვევის ადგილიდან მიიმალა. თავდასხმის შედეგად დაზარალებული ქალი სამედიცინო დაწესებულებაში გადაიყვანეს, სადაც მას შესაბამისი მკურნალობა უტარდება.

პოლიციამ ჩატ��რებული ოპერატიულ-სამძებრო ღონისძიებების შედეგად სავარაუდო დამნაშავის ვინაობა მალევე დაადგინა და ის დააკავა. საქმეზე გამოძიება საქართველოს სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს და სასჯელის სახედ 12 წლამდე ვადით თავისუფლების აღკვეთას ითვალისწინებს.