ძალადობა სამტრედიაში: პროკურატურამ ნიკა მელიას ინციდენტის საქმეზე სამ პირს ბრალი წარუდგინა

საქართველოს პროკურატურამ სამტრედიაში, პოლიტიკური პარტია „ახალის“ ოფისის გახსნისას მომხდარი ფიზიკური დაპირისპირების ფაქტზე სამ პირს ოფიციალური ბრალდება წაუყენა. საქმე ეხება 2024 წლის 11 აგვისტ��ს წინასაარჩევნო კამპანიის მიმდინარეობისას მომხდარ ინციდენტს.

გამოძიების ინფორმაციით, სულხან-საბა ნიკოლეიშვილმა პარტიის ოფისთან ნიკანორ მელიას თავის არეში დარტყმით ფიზიკური შეურაცხყოფა მიაყენა. აღნიშნულს მელიას თანმხლები პირების — გაბრიელ კობაიძისა და ცოტნე მირცხულავას მხრიდან საპასუხო აგრესია მოჰყვა, რის შედეგადაც ნიკოლეიშვილმა მსუბუქი ხარისხის დაზიანებები და ფიზიკური ტკივილი მიიღო.

სამივე ბრალდებულს პასუხისმგებლობა საქართველოს სისხლის სამართლის კოდექსის 162-ე პრიმა მუხლის პირველ��� ნაწილით ექისრებათ, რაც წინასაარჩევნო ღონისძიების დროს ძალადობას გულისხმობს. აღნიშნული მუხლი სასჯელის სახით ითვალისწინებს ჯარიმას ან ორ წლამდე ვადით თავისუფლების აღკვეთას. საგამოძიებო უწყება სასამართლოს აღკვეთის ღონისძიების შეფარდების შუამდგომლობით კანონით დადგენილ ვადაში მიმართავს.