არქეოლოგიური სენსაცია მეხიკოში: შენობის რესტავრაციისას აცტეკთა იმპერატორის სასახლე იპოვეს

მექსიკის დედაქალაქში მიმდინარე სარემონტო პროცესმა მოულოდნელი არქეოლოგიური აღმოჩენა მოიტანა. ერთ-ერთი ისტორიული შენობის რესტავრაციის დროს, მუშებმა ბაზალტის ფილებით მოპირკეთებული უძველესი იატაკი იპოვეს, რაც მოგვიანებით აცტეკების იმპერიის მმართველის სასახლის ნაწილად იდენტიფიცირდა.

სპეციალისტების განმარტებით, აღნიშნული ნაგებობა აცტეკთა იმპერატორ აქსაიაკატლს ეკუთვნოდა, რომელიც სახელმწიფოს 1469-1481 წლებში მართავდა. საინტერესოა, რომ იმპერიის დაცემის შემდეგ, ესპანელმა დამპყრობელმა ერნან კორტესმა, რომელმაც 1518 წლიდან დაიწყო რეგიონის ათვისება და ქალაქის ალყა განახორციელა, დანგრეული სასახლის ადგილას საკუთარი რეზიდენცია მოაწყო.

ამჟამად უნიკალური ისტორიული ობიექტი 1755 წელს აშენებული ��ნობილი ლომბარდის, Nacional Monte de Piedad-ის შენობის ქვეშ მდებარეობს, სადაც არქეოლოგიური კვლევები კვლავ გრძელდება.