თბილისში განსაკუთრებით დიდი ოდენობით ნარკოტიკი ამოიღეს — დაკავებულია 2 პირი

თბილისში, შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა ნარკოდანაშაულის ბრალდებით ორი ადამიანი დააკავეს. სამართალდამცველების მიერ აყვან���ლ პირთა შორის ერთი უცხო ქვეყნის მოქალაქეა.

საგამოძიებო მოქმედებების შედეგად, პოლიციამ ბრალდებულების საცხოვრებელი სახლებიდან, პირადი ჩხრეკისას და სხვადასხვა სამალავებიდან სარეალიზაციოდ გამზადებული, 40 შეკვრად დაფასოებული განსაკუთრებით დიდი ოდენობით ნარკოტიკული საშუალებები ამოიღო. ამოღებულ ნივთმტკიცებებს შორის არის „ალფა-პვპ“ და „მეთადონი“, ასევე ნარკოტიკების დასაფასოებლად განკუთვნილი მასალები.

გამოძიება საქართველოს სისხლის სამართლის კოდექსის 260-ე და 260-ე კვარტა მუხლებით მიმდინარეობს, რაც უკანონო შეძენა-შენახვასა და რეალიზაციის ხელშეწყობას გულისხმობს. აღნიშნული დანაშაული 20 წლამდე ან უვადო პატიმრობას ითვალისწინებს.