თბილისის აეროპორტში თვითმფრინავში ქურდობისთვის ჩინეთის ორი მოქალაქე დააკავეს

შინაგან საქმეთა სამინისტროს ისანი-სამგორის მთავარი სამმართველოს თანამშრომლებმა თბილისის საერთაშორისო აეროპორტში ჩატარებული ოპერატიულ-საგამოძიებო ღონისძიებების შედეგად, ქურდობის ბრალდებით ჩინეთის ს��ხალხო რესპუბლიკის ორი მოქალაქე დააკავეს.

სამართალდამცველების ცნობით, დანაშაული უშუალოდ ავიარეისის მიმდინარეობისას მოხდა. ბრალდებულები თვითმფრინავის ბორტზე მყოფ ორ თანამგზავრს ფარულად დაეუფლნენ და ჯამში 7 800 ამერიკული დოლარი და 4 450 ევრო მოპარეს. პოლიციამ ცხელ კვალზე მოქმედების შედეგად ეჭვმიტანილები აეროპორტის ტერიტორიაზევე აიყვანა.

სამართალდამცველებმა მოპარული ფულადი თანხა სრულად ამოიღეს ნივთმტკიცების სახით. მომხდარ ფაქტზე გამოძიება საქართველოს სისხლის სამართლის კოდექსის 177-ე მუხლის ��ე-4 ნაწილით მიმდინარეობს, რაც სასჯელის სახით 10 წლამდე ვადით თავისუფლების აღკვეთას ითვალისწინებს.