„ყოველ ღამეს ძალადობას განვიცდი“ — კობა ფარტენაძის განცხადება და შსს-ს რეაგირება

ცნობილი მეტეოროლოგი კობა ფარტენაძე სოციალურ ქსელში მორიგი თავდასხმისა და სისტემური ჩაგვრის შესახებ წერს. მისი განცხადებით, იგი ყოველდღიურად ხდება ფსიქოლოგიური და ფიზიკური ზეწოლის, დისკრიმინაციისა და ძალადობის მსხვერპლი, რაც უკვე გაუსაძლისი გახდა.

ფარტენაძემ ინტერნეტსივრცეში ვიდეომასალაც გაავრცელა, სადაც ასახულია ის მძიმე გარემო, რომელშიც მას ყოველღამიურად უწევს ყოფნა. მეტეოროლოგი საზოგადოებას მიმართავს და სვამს კითხვას, თუ კიდევ რამდენჯერ უნდა გახდეს თავდასხმის ობიექტი, რომ პრობლემას შესაბამისი ყურადღება დაეთმოს.

შინაგან საქმეთა სამინისტროში აცხადებენ, რომ აღნიშნულ ფაქტზე გამოძიება უკვე დაწყებულია და მიმდინარეობს შესაბამისი საგამოძიებო მოქმედებები.