ლაშა ფარულავა: აშშ-ის მიერ ირანული კომპანიის დასანქცირება ქვეყნის რეპუტაციას ანგრევს

„ერთიანი ნაციონალური მოძრაობის“ დროებითი მმართველობითი საბჭოს წევრმა, ლაშა ფარულავამ სპეციალურ ბრიფინგზე აშშ-ის მიერ საქართველოში მოქმედი ირანული კომპანიის დასანქცირების ფაქტი შეაფასა. ოპოზიციონერი პოლიტიკოსის თქმით, გლდანის თავისუფალ ეკონომიკურ ზონაში დარეგისტრირებული სუბიექტის ტერორიზმის დაფინანსებასთან დაკავშირება ქვეყნის საერთაშორისო იმიჯისთვის უპრეცედენტო დარტყმაა.

ფარულავამ ყურადღება გამახვილა იმაზე, რომ კრიპტოვალუტის სექტორის რეგულირება 2023 წლიდან ეროვნულ ბანკს ევალება. შესაბამისად, შექმნილ ვითარებაზე სრული პასუხისმგებლობა, მისი განმარტებით, მმართველი პარტიის დამფუძნებელს, ბიძინა ივანიშვილსა და ეროვნული ბანკის პრეზიდენტის მოვალეობის შემსრულებელს, ნათია თურნავას ეკისრებ��თ.

„ენმ“-ის წარმომადგენლის განცხადებით, სანამ ოლიგარქიული რეჟიმი კრიპტო-მაინინგითა და სხვა სქემებით მდიდრდება, საქართველოს მოსახლეობას გაძვირებული ელექტროენერგიის ტარიფისა და სისტემური გათიშვების ატანა უწევს. მან ასევე აღნიშნა, რომ უკანონო ფინანსური ნაკადები, თაღლითური ქოლ-ცენტრები და საერთაშორისო სანქციები სერიოზულ საფრთხეს უქმნის ქვეყნის ევროპულ მომავალსა და სტაბილურობას.