ჟურნალისტური ეთიკის ქარტია შსს-ს კობა ფარტენაძის უსაფრთხოების უზრუნველყოფისკენ მოუწოდებს

საქართველოს ჟურნალისტური ეთიკის ქარტია შინაგან საქმეთა სამინისტროს მიმართავს და ჟურნალისტ კობა ფარტენაძის წინააღმდეგ განხორციელებული თავდასხმების დროულად და ეფექტიანად გამოძიებას ითხოვს.

ორგანიზაცია მოუწოდებს სამართალდამცავ უწყებას, სათანადოდ შეაფასოს არსებული საფრთხეები, დაიცვას მედიის წარმომადგენლის უსაფრთხოება და პასუხისგებაში მისცეს დამნაშავე პირები. ქარტიის განცხადებით, მნიშვნელოვანია პრევენციული ზომების მიღება, რათა თავიდან იქნეს აცილებული მოსალოდნელი ტრაგედია.