თბილისში განსაკუთრებით დიდი ოდენობით ნარკოტიკი ამოიღეს – დაკავებულია ორი პირი

თბილისში განსაკუთრებით დიდი ოდენობით ნარკოტიკული საშუალებების უკანონო შეძენა-შენახვისა და გასაღების ხელშეწყობის ბრალდებით პოლიციამ ორი პირი დააკავა. შინაგან საქმეთა სამინისტროს ინფორმაციით, დაკავებულთაგან ერთი უცხო ქვეყნის მოქალაქეა.

სამართალდამცველებმა ოპერატიულ-საგამოძიებო ღონისძიებები ძველი თბილისის მთავარი სამმართველოს ტერიტორიაზე ჩაატარეს. ბრალდებულების პირადი და საცხოვრებელი სახლების ჩხრეკისას, ასევე სხვადასხვა ლოკაციიდან, ნივთმტკიცებად ამოიღეს სარეალიზაციოდ გამზადებული „ალფა-პვპ“ და „მეთადონი“, აგრეთვე ნარკოტიკების დაფასოებისთვის განკუთვნილი მასალები.

მომხდარზე გამოძიება საქართველოს სისხლის სამართლის კოდექსის 260-ე და 260-ე კვარტა მუხლებით მიმდინარეობს. აღნიშნული დანაშაული 20 წლამდე ან უვადო თავისუფლების აღკვეთას ითვალისწინებს.