მსოფლიოში ყველაზე ცხარე ბურგერი დიდი ბრიტანეთის დახლებზე გამოჩნდა

დიდ ბრიტანეთში მცხოვრებ ექსტრემალური გემოების მოყვარულებს ახალი გამოწვევა ელოდებათ. ისლანდიურმა სუპერმარკეტების ქსელმა გაყიდვაში მსოფლიოში ყველაზე ცხარე ნახევარფაბრიკატი ბურგერები ჩაუშვა.

პროდუქტი, სახელწოდებით „Scarily Spicy Carolina Reaper“, მზადდება ცნობილი წითელი ჩილის წიწაკისგან. სპეციალისტების განმარტებით, აღნიშნული ბურგერი ტრადიციულ ჰალაპენიოზე 200-ჯერ უფრო მწარეა, ხოლო სიცხარის საზომი სკოვილის შკალით მისი მაჩვენებელი 2,2 მილიონ ერთეულს აღწევს.

ახალ პროდუქტზე უკვე რეკორდულად მაღალი მოთხოვნა დაფიქსირდა. გაყინული ბურგერების შეძენა მომხმარებლებს 2,5 გირვანქა სტერლინგად შეუძლიათ. ვინაიდან პროდუქტი განსაკუთრებული სიმწარით გამოირჩევა, მას შეფუთვაზე მომზადების სპეციალური უსაფრთხოების ინსტრუქციაც მოჰყვება.