ვარსკვლავური წყვილები, რომლებიც დაშორების შემდეგ მაინც დაქორწინდნენ

შოუბიზნესის სამყაროში ურთიერთობები ხშირად დროებითი კრიზისითა და დაშორებით ხასიათდება, თუმცა ზოგიერთი წყვილისთვის ეს გამოცდა სიყვარულის გამყარების მიზეზი გახდა. წარმოგიდგენთ ცნობილ ადამიანებს, რომლებმაც ურთიერთობის განახლების შემდეგ ოფიციალურად იქორწინეს.

ადამ ლევინი და ბეატი პრინსლუ: 2013 წელს, ერთწლიანი რომანის შემდეგ, Maroon 5-ის სოლისტი მოდელს დაშორდა და დროებით ნინა აგდალს ხვდებოდა. თუმცა, მალევე მიხვდა თავის შეცდომას, პრინსლუსთან დაბრუნდა და მომდევნო წელს მათ ოჯახი შექმნეს.

ჯასტინ ტიმბერლეიკი და ჯესიკა ბილი: ოთხწლიანი თანაცხოვრების შემდეგ, 2011 წელს წყვილი ერთმანეთს დაშორდა. თუმცა, განშორებამ დიდხანს არ გასტანა — სულ რაღაც ერთ წელიწადში მათ გრანდიოზული ქორწილი გადაიხადეს.

პრინცი უილიამი და ქეით მიდლტონი: სამეფო წყვილმა ერთმანეთი 2001 წელს სტუდენტობისას გაიცნო. 2007 წელს მათ ურთიერთობაში პაუზა აიღეს, თუმცა მალევე შერიგდნენ და 2011 წელს მათი ისტორიული ქორწილიც შედგა.

მეგან ფოქსი და ბრაიან ოსტინ გრინი: მსახიობები 2006 წელს დაინიშნენ, 3 წლის შემდეგ კი დაშორების შესახებ განაცხადეს. მიუხედავად ამისა, წყვილმა კრიზისი გადალახა და მალევე ოფიციალური ქორწინებით დააგვირგვინა ურთიერთობა.

კრისტინ კავალარი და ჯეი კატლერი: 2011 წელს, ნიშნობიდან რამდენიმე თვეში, წყვილმა დაშორება გადაწყვიტა. თუმცა გრძნობებმა გაიმარჯვა — მათ ურთიერთობა აღადგინეს და 2013 წელს იქორწინეს.