ინტერპოლის წითელი ცირკულარით ძებნილი მკვლელობაში ბრალდებული ბათუმში დააკავეს

საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის აჭარის მთავარი სამმართველოს თანამშრომლებმა ბათუმში წარმატებული ოპერაცია ჩაატარეს, რის შედეგადაც ინტერპოლის წითელი ცირკულარით ძებნილი უცხო ქვეყნის მოქალაქე აყვანილია.

გამოძიების ინფორმაციით, დაკავებული პირი თურქეთის რესპუბლიკის სამართალდამცავი უწყებების მოთხოვნის საფუძველზე საერთაშორისო მასშტაბით იძებნებოდა. მას ბრალად ედება თურქეთის ტერიტორიაზე ჩადენილი განზრახ მკვლელობა.

ქართველმა სამართალდამცველებმა ოპერატიულ-საგამოძიებო ღონისძიებები ბათუმში განახორციელეს, სადაც ძებნილის ადგილსამყოფელი დაადგინეს. ამ ეტაპზე დაკავებულის მიმართ კანონმდებლობით გათვალისწინებული საექსტრადიციო პროცედურები მიმდინარეობს.