თბილისის აეროპორტთან 2.7 მილიონზე მეტი ლარის თაღლითობაში ბრალდებული ძებნილი დააკავეს

შინაგან საქმეთა სამინისტროს ქვემო ქართლის პოლიციის დეპარტამენტის გარდაბნის რაიონული სამმართველოს თანამშრომლებმა განსაკუთრებით დიდი ოდენობის თანხის თაღლითურად დაუფლებისთვის იძებნებადი პირი შეიპყრეს.

საგამოძიებო უწყების ცნობით, ბრალდებულმა მოქალაქის კუთვნილ 2 741 000 ლარის ღირებულების უძრავ ქონებას თაღლითური გზით მიითვისა. აღნიშნულ საქმეზე მას რუსთავის საქალაქო სასამართლოს განჩინებით დაუსწრებლად უკვე ჰქონდა შეფარდებული აღკვეთის ღონისძიების სახით პატიმრობა და მის მიმართ ოფიციალური ძებნა მიმდინარეობდა.

სამართალდამცველებმა კომპლექსური ოპერატიულ-საგამოძიებო მოქმედებების შედეგად, იძებნებადი პირი თბილისის საერთაშორისო აეროპორტის მიმდებარე ტერიტორიაზე დააკავეს. ამ დროისთვის იგი უკვე გადაყვანილია პენიტენციურ დაწესებულებაში.