დიდგორის ბრძოლიდან 905 წელი გავიდა — საქართველო „ძლევაი საკვირველს“ აღნიშნავს

12 აგვისტოს საქართველო ეროვნული ისტორიის ერთ-ერთ ყველაზე მნიშვნელოვან და გარდამტეხ მოვლენას აღნიშნავს. 1121 წლის ამ დღეს დიდგორის ველზე გამართულმა ისტორიულმა ბრძოლამ ქვეყანას გამარჯვება და საუკუნოვანი ძლიერება მოუტანა.

დავით აღმაშენებლის სამხედრო ოსტატობამ, სწორმა ტაქტიკურმა გათვლამ და ქართველი ხალხის ერთიანობამ მრავალრიცხოვან მტერზე ბრწყინვალე ტრიუმფი უზრუნველყო. ეს თარიღი მემატიანეთა მიერ შეფასდა, როგორც „ძლევაი საკვირველი“, რამაც საფუძველი ჩაუყარა საქართველოს ოქროს ხანას.

დიდგორობა დღესაც ეროვნული სულისკვეთების, თავისუფლებისკენ სწრაფვისა და გაერთიანების სიმბოლოა. ტრადიციისამებრ, ამ ისტორიულ თარიღთან დაკავშირებით ქვეყანაში ყოველწლიურად სახალხო დღესასწაული იმართება.