ელექტროენერგიის მიწოდება ოზურგეთში დროებით შეიზღუდება — ქუჩების ჩამონათვალი

კომპანია „ენერგო-პრო ჯორჯია“ აბონენტებს აფრთხილებს, რომ ელექტროქსელის გეგმიური სარეაბილიტაციო ღონისძიებების გამო, 13 აგვისტოს ოზურგეთის მუნიციპალიტეტის ნაწილს ენერგომომარაგება დროებით შეეზღუდება.

კერძოდ, 12:00-დან 14:00 საათამდე შუალედში, შუქი მონაცვლეობით გამოირთვება თაყაიშვილის, რუსთაველისა და თავისუფლების ქუჩებზე, ასევე მათ მიმდებარე ტერიტორიებზე.

კომპანიის წარმომადგენელთა განცხადებით, პროფილაქტიკური სამუშაოების დასრულებისთანავე, ელექტროენერგიის მიწოდება ყველა აბონენტს ჩვეულ რეჟიმში აღუდგება.