ავტოსაგზაო შემთხვევა ოზურგეთში: სოფელ გომში ავარიის შედეგად ოთხი ადამიანი დაშავდა

ოზურგეთის მუნიციპალიტეტში, სოფელ გომის ტერიტორიაზე, ბჟუჟჰესთან ახლოს მძიმე ავტოსაგზაო შემთხვევა მოხდა. არსებული ცნობებით, საგზაო ინციდენტში მიკროავტობუსი მონაწილეობდა, რის შედეგადაც ოთხმა მოქალაქემ სხვადასხვა ხარისხის დაზიანება მიიღო.

დაშავებულები სასწრაფო-სამედიცინო დახმარების ჯგუფებმა ოზურგეთის კლინიკა „მედალფაში“ სასწრაფოდ გადაიყვანეს. სამკურნალო დაწესებულებაში შეყვანილ პაციენტებს შორის ორი მცირეწლოვანი ბავშვია.

როგორც „მედალფას“ დირექტორმა, დავით მდინარაძემ განაცხადა, ამ ეტაპზე ოთხივე პაციენტს უტარდება ყველა საჭირო ლაბორატორიული და დიაგნოსტიკური გამოკვლევა. ექიმები მათ მდგომარეობას შესაბამისი პროცედურების დასრულების შემდეგ შეაფასებენ.