ოქროსა და ვერცხლის მედლები ჩოხატაურში: ცნობილია წარმატებული მოსწავლეების შედეგები

ჩოხატაურის მუნიციპალიტეტის საგანმანათლებლო დაწესებულებებში სასწავლო წლის წარმატებით დასრულების შედეგები შეჯამდა. გამოვლინდნენ სკოლები, რომელთა კურსდამთავრებულებმაც ოქროსა და ვერცხლის მედლები მოიპოვეს.

მუნიციპალიტეტის მასშტაბით პირველ ადგილზე დაბა ჩოხატაურის №1 საჯარო სკოლა გავიდა. ამ სასწავლო დაწესებულების მოსწავლეებმა რეკორდული მაჩვენებელი დააფიქსირეს — 10 ოქროსა და 1 ვერცხლის მედალი მოიპოვეს.

საპრიზო ადგილების ლიდერებშია ასევე ჩოხატაურის ყოვლადწმიდა ღვთისმშობლის სახელობის მართლმადიდებლური სკოლა, სადაც კურსდამთავრებულებს 9 ოქროს მედალი ერგოთ.

წარმატებული შედეგები აჩვენეს სოფლის სკოლებმაც: ნოდარ დუმბაძის სახელობის ჯვარცხმის საჯარო სკოლამ 3 ოქროს მედალი მოიპოვა, ხოლო ხიდისთავისა და საჭამიასერის სკოლებმა — 2-2 ოქროს მედალი. თითო ოქროს მედალი დაიმსახურეს ბუკისციხის, კოხნარის, ქვენობნის, შუა ამაღლებისა და ჩხაკაურას საჯარო სკოლების მოსწავლეებმა.