მძიმე ინციდენტი ბათუმში: თბილისი-ბათუმის მატარებელი ახალგაზრდა ქალს დაეჯახა

ბათუმში, ბოტანიკური ბაღის მიმდებარე ტერიტორიაზე უბედური შემთხვევა მოხდა. თბილისიდან ბათუმის მიმართულებით მოძრავი სამგზავრო მატარებელი ახალგაზრდა ქალს დაეჯახა. ინფორმაციას ადგილობრივი გამოცემა „ბათუმელები“ ავრცელებს.

ინციდენტი 13 აგვისტოს დაფიქსირდა. ამ ეტაპზე დაშავებული ქალბატონის ჯანმრთელობის მდგომარეობის შესახებ ოფიციალური დეტალები ჯერჯერობით ცნობილი არ არის.

როგორც შემადგენლობაში მყოფი ერთ-ერთი მგზავრი აცხადებს, შემთხვევის გამო მატარებლის მოძრაობა დროებით შეჩერებულია. ადგილზე შესაბამისი სამსახურების მუშაობის დასრულებამდე მგზავრებს ვაგონების დატოვების უფლებას არ აძლევენ.