საქართველოს ბანკის აქცია მშობლებისთვის: დარეგისტრირდით sCoolApp-ში და მიიღეთ ფულადი საჩუქრები

საქართველოს ბანკმა მოსწავლეებისა და მათი მშობლების მხარდასაჭერად ახალი წამახალისებელი კამპანია დაიწყო, რომელიც 11 აგვისტოდან 15 სექტემბრის ჩათვლით გაგრძელდება. სპეციალური შეთავაზების ფარგლებში, მშობლებს საშუალება აქვთ მიიღონ 10-ლარიანი საჩუქარი, თუკი შვილს sCoolApp-ის აპლიკაციაში დაარეგისტრირებენ.

აქციაში მონაწილეობის პროცესი საკმაოდ მარტივია: მშობელმა საკუთარი მობილბანკის მეშვეობით უნდა გაიაროს შვილის რეგისტრაცია, რის შემდეგაც მოსწავლე უშუალოდ sCoolApp-ში გააქტიურდება. წარმატებული ავტორიზაციისთანავე, მშობელი მიიღებს შესაბამის შეტყობინებას და კუთვნილ საჩუქარს.

გარდა სტანდარტული წახალისებისა, პროექტი განსაკუთრებულ სიურპრიზებსაც ითვალისწინებს. რიგით 50-ე, 100-ე, 500-ე და 1000-ე დარეგისტრირებული მომხმარებლები შესაბამისად 50, 100, 500 ან 1000 ლარიანი ფულადი პრიზებით დაჯილდოვდებიან, რომლებიც მათ ანგარიშზე ავტომატურად დაირიცხება.

აღსანიშნავია, რომ წახალისების სისტემა ვრცელდება თითოეულ ბავშვზე. შესაბამისად, მრავალშვილიან მშობლებს შეუძლიათ სარგებელი ყოველი შვილის რეგისტრაციისას ცალ-ცალკე მიიღონ. ცნობისთვის, მოსწავლეებისთვის შექმნილ აპლიკაცია sCoolApp-ს დღესდღეობით უკვე 185 000-ზე მეტი აქტიური მომხმარებელი ჰყავს.