ოზურგეთის მერის გადადგომა: რას ამბობს გურიის სახელმწიფო რწმუნებული

ოზურგეთის მუნიციპალიტეტის მერის, პაატა კუნჭულიას მიერ თანამდებობის დატოვებას გურიის მხარის სახელმწიფო რწმუნებული გამოეხმაურა. გიორგი ღურჯუმელიძის განცხადებით, მერის ეს ნაბიჯი პირად გადაწყვეტილებას წარმოადგენდა.

გუბერნატორის თქმით, კუნჭულიას წასვლა მისთვის სამწუხაროა, თუმცა ის მიღებულ გადაწყვეტილებას სრულ პატივისცემას უცხადებს. მან აღნიშნა, რომ ყოფილმა მერმა საზოგადოებას საკუთარი პოზიცია ოფიციალური განცხადებით უკვე გააცნო.

რაც შეეხება კითხვას შესაძლო პოლიტიკურ დაპირისპირებასა და მმართველ გუნდთან არსებულ უთანხმოებაზე, რწმუნებულმა დამატებითი დეტალებისგან თავი შეიკავა და განმარტა, რომ საკითხი ზედმეტ კომენტარს აღარ საჭიროებს.