სამცხე-ჯავახეთს ახალი სახელმწიფო რწმუნებული ჰყავს – პრემიერის გადაწყვეტილება

საქართველოს პრემიერ-მინისტრ ირაკლი კობახიძის გადაწყვეტილებით, სამცხე-ჯავახეთის მხარეში სახელმწიფო რწმუნებულის თანამდებობაზე იოსებ ალიბეგაშვილი დაინიშნა.

მთავრობის მეთაური ახალდანიშნულ რწმუნებულს მთავრობის ადმინისტრაციაში შეხვდა. სამუშაო შეხვედრას ასევე ესწრებოდა ვიცე-პრემიერი, რეგიონული განვითარების მინისტრი მამუკა მდინარაძე. მხარეებმა სამცხე-ჯავახეთში მიმდინარე მნიშვნელოვანი ინფრასტრუქტურული და სოციალურ-ეკონომიკური პროექტები, ასევე სამომავლო გეგმები განიხილეს.

პრემიერ-მინისტრმა იოსებ ალიბეგაშვილს ახალ პოზიციაზე წარმატებები უსურვა. აღსანიშნავია, რომ ალიბეგაშვილი აღნიშნულ დანიშვნამდე ქვემო ქართლის სახელმწიფო რწმუნებულის მოადგილის პოსტს იკავებდა.