საკადრო ცვლილებები ოზურგეთის მერიაში: ვინ დატოვა თანამდებობები მერის გადადგომის შემდეგ

ოზურგეთის მუნიციპალიტეტის ყოფილი მერის, პაატა კუნჭულიას თანამდებობიდან წასვლის შემდეგ, ადგილობრივ თვითმმართველობაში საკადრო გადაადგილებებისა და გათავისუფლებების პროცესი დაიწყო.

გავრცელებული ინფორმაციით, უწყება დატოვა მერიის ადმინისტრაციის ხელმძღვანელმა გენო მორჩილაძემ. მასთან ერთად თანამდებობიდან წავიდა მისი მეუღლე, ლანა თოდუაც, რომელიც სკოლამდელი აღზრდის ცენტრის ხელმძღვანელის პოსტს იკავებდა.

გარდა ამისა, მერიის გუნდს გამოეთიშა პროტოკოლის სამსახურის წარმომადგენელი ნატა დოლიძე. მან მედიასთან კომენტარში თავადვე დაადასტურა, რომ აღნიშნულ უწყებაში საქმიანობა ოფიციალურად შეწყვიტა.

ადგილობრივ მუნიციპალიტეტში მიმდინარე საკადრო ცვლილებების მასშტაბებსა და მიზეზებთან დაკავშირებით, მერიის პრესსამსახურის ოფიციალურ განმარტებას ამ დრომდე ელიან.