გომისმთის გზაზე მომხდარი სასიკვდილო ავარიის გამო მძღოლს ბრალი ოფიციალურად წაუყენეს

გომისმთის მიმართულებით მომხდარ მძიმე ავტოსაგზაო შემთხვევასთან დაკავშირებით, რომელსაც ოთხი ადამიანის სიცოცხლე ემსხვერპლა, სამართალდამცავებმა მძღოლს ბრალდება ოფიციალურად წარუდგინეს.

საგამოძიებო უწყების ინფორმაციით, საქმე ეხება ოზურგეთის მუნიციპალიტეტის ტერიტორიაზე, დაბა გომისმთის საავტომობილო მონაკვეთზე ტრანსპორტის მოძრაობის უსაფრთხოების წესების უხეშ დარღვევას, რასაც ადამიანთა მსხვერპლი მოჰყვა.

საქართველოს პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს უკვე მიმართა.