საქართველოს ეროვნული გმირი ზაზა დამენია: თავგანწირვიდან 22 წელი

საქართველოს ეროვნული გმირის, ზაზა დამენიას ტრაგიკული დაღუპვიდან 22 წელი გავიდა. ეს თარიღი ქართული სახელმწიფოს უახლეს ისტორიაში გმირული თავგანწირვისა და სამშობლოს ერთიანობისთვის ბრძოლის სიმბოლოდ რჩება.

ზაზა დამენია, რომელმაც სიცოცხლე ქართველი ხალხის თავისუფლებისა და ქვეყნის მთლიანობისთვის გაწირა, 2004 წლის 16 აგვისტოს, ცხინვალის რეგიონში მიმდინარე საბრძოლო მოქმედებებისას დაეცა. მისი უდიდესი მამაცობისა და სამშობლოს წინაშე გაწეული განსაკუთრებული ღვაწლის აღსანიშნავად, მას საქართველოს ეროვნული გმირის უმაღლესი წოდება მიენიჭა, ფორმულირებით „სამშობლოს დაცვისა და ერთიანობისთვის ბრძოლებში გამოჩენილი მამაცობისა და გამორჩეული გმირობისათვის“.

ამ მნიშნელოვანი თარიღის აღსანიშნავად, ოზურგეთის მუნიციპალიტეტის მერიამ და სახელმწიფო რწმუნებულის ადმინისტრაციის წარმომადგენლებმა პატივი მიაგეს გმირის ხსოვნას. მათ კიდევ ერთხელ გაუსვეს ხაზი ზაზა დამენიას როლს საქართველოს უახლეს ისტორიაში და მის მიერ დატოვებულ მემკვიდრეობას მომავალი თაობებისთვის.

ზაზა დამენიას ხსოვნა მარად დარჩება ქართველი ერის გულებში, როგორც სამაგალითო პატრიოტისა და უშიშარი მებრძოლის სიმბოლო, რომელმაც უდიდესი მსხვერპლი გაიღო საკუთარი ქვეყნის ერთიანობისა და თავისუფლებისთვის.