გიორგი შარაშიძე: ოპოზიციური ალიანსი თავიდანვე კრახისთვის იყო განწირული

პარტია „გახარია საქართველოსთვის“ წევრის, გიორგი შარაშიძის შეფასებით, „ოპოზიციის ალიანსი“ თავიდანვე ფუნდამენტურად განწირული იყო დაშლისთვის. მისი განცხადებით, თავად ტერმინი „ალიანსი“ რეალობას აცდენილი გახლდათ იმთავითვე, როდესაც ეს სახელწოდება მიენიჭა აღნიშნულ გაერთიანებას.

შარაშიძე განმარტავს, რომ ეს „ალიანსი“ არსებითად ყოფილი „ერთიანი ნაციონალური მოძრაობაა“, ხოლო მისი შემადგენელი სუბიექტები სხვადასხვა დროს სწორედ ამ პარტიის წევრებს წარმოადგენდნენ.

„ნაციონალური მოძრაობა“ გარკვეულ ეტაპზე გადაწყვეტს გაერთიანებას, შემდეგ კვლავ დაიშლება. ერთ მონაკვეთში მათ ნორმალური ურთიერთობები ექნებათ, შემდეგ ისევ ერთმანეთის კრიტიკას დაიწყებენ. ეს არ არის ჩვენი განსჯის საგანი და არც საინტერესოა, რადგან არანაირი კავშირი არ აქვს დღეს ქვეყანაში მიმდინარე პოლიტიკურ პროცესებთან“, – აცხადებს პოლიტიკოსი.

გიორგი შარაშიძემ კიდევ ერთხელ გაუსვა ხაზი, რომ ოპოზიციური გაერთიანების დაშლა მოულოდნელი არ ყოფილა და ის თავიდანვე განწირული იყო, რადგან სწორედ ამ მიზნით შეიქმნა. მისი თქმით, ყველა ეს სუბიექტი „ნაციონალური მოძრაობისგან“ სხვადასხვა დროს გამოყოფილი პოლიტიკური დაჯგუფებაა, რაც ფაქტობრივად ერთ პოლიტიკურ ორგანიზაციას ქმნის. „სახელწოდება – „ალიანსი“ – თავიდანვე არ შეესაბამებოდა რეალობას. ეს არ არის ჩვენთვის არც საინტერესო და არც პრიორიტეტული, რადგან ამას კავშირი არ აქვს იმ რეალურ გამოწვევებთან, რაც დღეს ჩვენს ქვეყანასა და ხალხს აწუხებს“, – დაასკვნა შარაშიძემ.