თბილისში ჯგუფური ძარცვის ბრალდებით 5 პირი დააკავეს – შსს დეტალებს აქვეყნებს

შინაგან საქმეთა სამინისტრომ თბილისში მომხდარი ჯგუფური ძარცვის ფაქტი გახსნა და ხუთი პირი დააკავა. უწყების ინფორმაციით, დაკავებულებს წინასწარი შეთანხმებით, ჯგუფურად, ძალადობით ჩადენილი ძარცვის ბრალდება წარედგინათ. გამოძიებას თბილისის პოლიციის დეპარტამენტის ვაკე-საბურთალოს მთავარი სამმართველო აწარმოებდა.

შსს-ს ცნობით, გამოძიების მიერ დადგინდა, რომ ბრალდებულებმა დედაქალაქში ერთ-ერთ მოქალაქეს ფიზიკური შეურაცხყოფა მიაყენეს. მათ ძალადობრივი ქმედების შემდეგ დაზარალებულს პირადი ნივთები, მათ შორის, ძვირადღირებული მობილური ტელეფონი წაართვეს, რის შემდეგაც შემთხვევის ადგილიდან მიიმალნენ.

სამართალდამცველებმა ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, დანაშაულის ჩამდენი პირები მალევე დააკავეს. პოლიციამ ნივთმტკიცებად ამოიღო ძარცვის შედეგად მოპარული ნივთების ნაწილი, რაც საქმეს ერთვის.

გამოძიება ამჟამად საქართველოს სისხლის სამართლის კოდექსის 178-ე მუხლით მიმდინარეობს, რაც ჯგუფურად, ძალადობით ჩადენილ ძარცვას გულისხმობს. აღნიშნული დანაშაული 6-დან 8 წლამდე ვადით თავისუფლების აღკვეთას ითვალისწინებს.