ბანკის კიბერშეტევა: ორი პირი დააკავეს 374,715 ლარის ზიანის მიყენების გამო

საქართველოს შინაგან საქმეთა სამინისტროს თანამშრომლებმა კიბერდანაშაულის ბრალდებით ორი პირი დააკავეს. თბილისის პოლიციის დეპარტამენტის საგამოძიებო მთავარი სამმართველოს მიერ ჩატარებული ოპერატიული ღონისძიებებისა და საგამოძიებო მოქმედებების შედეგად, გამოვლინდა დანაშაულებრივი ჯგუფი, რომლის წევრებსაც ბრალი ედებათ ფინანსური სარგებლის მიღების მიზნით კომპიუტერულ სისტემაში უკანონო და ჯგუფურ ჩარევაში.

გამოძიებით დადგინდა, რომ დაკავებულებმა, შეთანხმებული დანაშაულებრივი გეგმის ფარგლებში, ერთ-ერთი კომერციული ბანკის კომპიუტერულ ქსელში არასანქცირებული წვდომა მოიპოვეს. მათი მიზანი დიდი ოდენობით თანხის მითვისება იყო. აღნიშნული უკანონო ქმედებების შედეგად, ბანკს 374 715 ლარის ოდენობის მნიშვნელოვანი ფინანსური ზიანი მიადგა.

სამართალდამცველებმა ბრალდებულები მოსამართლის განჩინების საფუძველზე აიყვანეს. საქმეზე გამოძიება მიმდინარეობს საქართველოს სისხლის სამართლის კოდექსის 286-ე პრიმა მუხლით, რაც კომპიუტერულ სისტემაში უნებართვო ჩარევას გულისხმობს. ამ მუხლით გათვალისწინებული დანაშაული 10 წლამდე თავისუფლების აღკვეთას ითვალისწინებს.