ბათუმის აეროპორტში MDMA-ს მასშტაბური კონტრაბანდა აღიკვეთა – დაკავებულია ერთი პირი

შინაგან საქმეთა სამინისტროს წარმატებული ოპერაციის შედეგად, ბათუმის საერთაშორისო აეროპორტში განსაკუთრებით დიდი ოდენობით ნარკოტიკული საშუალება „მდმა“ (MDMA) ამოიღეს. სამართალდამცველებმა ნარკოტიკის უკანონო შემოტანის ბრალდებით ერთი პირი დააკავეს, რომელსაც სერიოზული სასჯელი ემუქრება.

უწყების მიერ გავრცელებული ინფორმაციით, ცენტრალური კრიმინალური პოლიციის დეპარტამენტის აჭარის მთავარი სამმართველოს თანამშრომლებმა ეფექტური მუშაობის შედეგად აღკვეთეს ნარკოტიკული საშუალების ქვეყანაში შემოტანის მცდელობა. ბრალდებულის პირადი ჩხრეკისას, რომელიც აეროპორტში განხორციელდა, სამართალდამცველებმა ნივთმტკიცების სახით 300 აბზე მეტი „მდმა“ ამოიღეს.

გამოძიება საქართველოს სისხლის სამართლის კოდექსის 260-ე და 262-ე მუხლებით მიმდინარეობს, რაც ნარკოტიკული საშუალების უკანონო შეძენა-შენახვასა და საქართველოში უკანონოდ შემოტანას გულისხმობს. აღნიშნული მუხლები განსაკუთრებით დიდი ოდენობით ნარკოდანაშაულისთვის 20 წლამდე ან უვადო თავისუფლების აღკვეთას ითვალისწინებს. შინაგან საქმეთა სამინისტრო აგრძელებს ნარკოტიკული დანაშაულის წინააღმდეგ აქტიურ ბრძოლას ქვეყნის მასშტაბით.