მამუკა მდინარაძე გურია-რაჭის რეგიონულ პროექტებსა და საჭიროებებს გაეცნო

საქართველოს ვიცე-პრემიერმა და რეგიონული განვითარებისა და ინფრასტრუქტურის მინისტრმა, მამუკა მდინარაძემ, სამუშაო შეხვედრები გამართა გურიისა და რაჭა-ლეჩხუმ-ქვემო სვანეთის სახელმწიფო რწმუნებულებთან და მათ მოადგილეებთან. შეხვედრების მიზანი რეგიონებში არსებული ვითარების ადგილზე გაცნობა და მნიშვნელოვანი საკითხების განხილვა იყო.

მინისტრის აპარატის მიერ გავრცელებული ინფორმაციით, განხილვის მთავარ თემას რეგიონებში მიმდინარე და სამომავლოდ დაგეგმილი ინფრასტრუქტურული პროექტები წარმოადგენდა. ყურადღება გამახვილდა პროექტების განხორციელების ვადებზე, ხარისხსა და ეფექტურობაზე.

გარდა ამისა, მხარეებმა ვრცლად იმსჯელეს ადგილობრივი მოსახლეობის საჭიროებებზე, იმ გამოწვევებზე, რომელთა წინაშეც დგას რეგიონი და მათი გადაჭრის პოტენციურ გზებზე. შეხვედრებზე ხაზი გაესვა რეგიონული განვითარების მნიშვნელობასა და მოსახლეობის კეთილდღეობის გაუმჯობესებისკენ მიმართული ღონისძიებების დაგეგმვის აუცილებლობას.