ზუგდიდის სოფელ ყულიშკარში 3 დის ცხედარი იპოვეს – გამოძიება მიმდინარეობს

ზუგდიდის მუნიციპალიტეტის სოფელ ყულიშკარში შემზარავი ტრაგედია დატრიალდა – საცხოვრებელ სახლში სამი დის უსიცოცხლო ცხედარი აღმოაჩინეს. ინფორმაციას, რომელმაც საზოგადოება შეძრა, სააგენტო „ინტერპრესნიუსი“ ავრცელებს. გარდაცვლილთა ცხედრები უკვე გადასვენებულია ექსპერტიზის ბიუროში, სადაც გარდაცვალების ზუსტი მიზეზის დადგენა მოხდება.

ამ დროისთვის, მომხდარის დეტალები გაურკვეველია, თუმცა წინასწარი ვერსიით, ერთ-ერთ სავარაუდო მიზეზად საკვებით ინტოქსიკაცია განიხილება. სამართალდამცავი ორგანოები აქტიურად მუშაობენ საქმის გარემოებების დასადგენად.

შინაგან საქმეთა სამინისტროს განცხადებით, მომხდარ ფაქტზე გამოძიება საქართველოს სისხლის სამართლის კოდექსის 115-ე მუხლით დაიწყო. უწყება საქმის ყველა დეტალის დადგენას ცდილობს, რათა დადგინდეს ტრაგედიის რეალური მიზეზი.