საქართველოს ბანკის სტიპენდია ფოთის საჭადრაკო კლუბში – გზა მომავალი ჩემპიონებისკენ

საქართველოს ბანკი, რომელიც აქტიურად უჭერს მხარს განათლებასა და ახალგაზრდობის განვითარებას, ფოთის საჭადრაკო კლუბის მთავარი პარტნიორი გახდა. ამ თანამშრომლობის ფარგლებში, ბანკი უნიკალურ შესაძლებლობას აძლევს 10 ნიჭიერ მოსწავლეს, მიიღონ ჭადრაკის სრული დაფინანსება ერთი წლის განმავლობაში.

სასტიპენდიო პროგრამა განკუთვნილია როგორც კლუბის არსებული წევრებისთვის, ისე ყველა იმ ბავშვისთვის, ვისაც ჭადრაკის შესწავლა სურს. მონაწილეობის მიღება შესაძლებელია 5 წლის ასაკიდან, ხოლო მთავარი კრიტერიუმები მხოლოდ ინტერესი და მაღალი მოტივაციაა, რაც მოზარდებს ამ ინტელექტუალურ სპორტში ჩართვისკენ უბიძგებს.

რეგისტრაცია სასტიპენდიო პროგრამაზე უკვე დაწყებულია და 13 სექტემბრის ჩათვლით გაგრძელდება. დაინტერესებულმა პირებმა უნდა შეავსონ სარეგისტრაციო ფორმა მოცემულ ბმულზე. განსაკუთრებული ყურადღება ეთმობა სამოტივაციო წერილს, რომელიც საშუალებას აძლევს შესარჩევ კომისიას, უკეთ გაეცნოს ბავშვის ინტერესებს, მიზნებსა და მისწრაფებებს ჭადრაკის სამყაროში.

საქართველოს ბანკისთვის ახალგაზრდების განათლების მხარდაჭერა გულისხმობს მათთვის ახალი შესაძლებლობების შექმნას და პოტენციალის მაქსიმალურ რეალიზებას. ფოთის საჭადრაკო კლუბთან პარტნიორობით, ბანკი მიზნად ისახავს ხელი შეუწყოს როგორც ქვეყანაში მრავალწლიანი საჭადრაკო ტრადიციის გაგრძელებას, ისე ახალი თაობის ჩემპიონების აღზრდასა და განვითარებას. პროექტის შესახებ დამატებითი ინფორმაციისთვის ეწვიეთ შესაბამის ბმულს.