ენერგო-პრო ჯორჯია: 26 აგვისტოს ელექტროენერგიის მიწოდება გურიის რეგიონში შეიზღუდება

„ენერგო-პრო ჯორჯია“ თავის აბონენტებს აფრთხილებს, რომ 26 აგვისტოს, დაგეგმილი სარეაბილიტაციო სამუშაოების გამო, ელექტროენერგიის მიწოდება დროებით შეიზღუდება გურიის რეგიონის რამდენიმე მუნიციპალიტეტში. კომპანიის ინფორმაციით, ეს სამუშაოები ქსელის გამართულად ფუნქციონირებისთვისაა აუცილებელი და მიზნად ისახავს მომსახურების ხარისხის გაუმჯობესებას.

კერძოდ, ოზურგეთის მუნიციპალიტეტში, 11:00 საათიდან 18:00 საათამდე, მონაცვლეობით ელექტროენერგია გაეთიშება შემდეგ სოფლებს: ნატანები, ბახვი, ვაკიჯვარი, დვაბზუ და მათ მიმდებარე დასახლებები.

ლანჩხუთის მუნიციპალიტეტის აბონენტებისთვის შეზღუდვები 12:05 საათიდან 19:00 საათამდე იმოქმედებს. დენის მიწოდება შეწყდება სოფლებში: ორაგვე, ჯუნმერე, მაჩხვარეთი და მიმდებარე ტერიტორიებზე.

რაც შეეხება ჩოხატაურის მუნიციპალიტეტს, აქ 07:00 საათიდან 18:00 საათამდე, ელექტროენერგიის გარეშე დარჩება სოფლები: ფარცხმა და შუაფარცხმა. ამავე პერიოდში, შეზღუდვები შეეხება ჩოხატაურის ქალაქის ნაწილსაც, კერძოდ, დუმბაძის, ლესელიძის, გოგებაშვილის, წერეთლისა და მიმდებარე ქუჩებს.

„ენერგო-პრო ჯორჯია“ აცხადებს, რომ ენერგომომარაგება აღდგება სამუშაოების დასრულებისთანავე, ჩვეულ რეჟიმში. კომპანია ბოდიშს უხდის მომხმარებლებს შექმნილი დისკომფორტისთვის და მოუწოდებს მათ, გაითვალისწინონ აღნიშნული ინფორმაცია და მიიღონ შესაბამისი ზომები.