თიბისი კამპუსი: რეგიონებიდან კარიერულ წარმატებამდე – უფასო ონლაინ განათლების ახალი ეტაპი

წარმატების მისაღწევად ყოველთვის არ არის აუცილებელი „სწორ დროს და სწორ ადგილას“ ყოფნა. თიბისი ბანკი ამტკიცებს, რომ ხარისხიანი განათლება საქართველოს ნებისმიერი კუთხიდანაა ხელმისაწვდომი. სწორედ ამ შესაძლებლობას ქმნის თიბისის უფასო ონლაინ განათლების ეკოსისტემა, რომელიც ახალგაზრდებს თანამედროვე ცოდნის მიღებისა და პროფესიული განვითარების უნიკალურ შანსს აძლევს.

ამ ეკოსისტემის ერთ-ერთი უმნიშვნელოვანესი კომპონენტია „თიბისი კამპუსი“ — უფასო ონლაინ პროგრამა, რომელიც 18-24 წლის ახალგაზრდებზეა გათვლილი. მონაწილეებს შეუძლიათ გაიღრმავონ ცოდნა ისეთ მოთხოვნად მიმართულებებში, როგორიცაა მარკეტინგი, პროდუქტის მენეჯმენტი, ბიზნეს ანალიზი და პროექტების მართვა. ამასთანავე, ისინი სწავლის პარალელურად პრაქტიკულ უნარებსაც აქტიურად ივითარებენ.

პროგრამის წარმატებაზე მეტყველებს ახალციხიდან კურსდამთავრებული სოფო ბერიძის ისტორია: „ჩემი ქალაქის დატოვება არ მინდა და ვფიქრობ, რომ თუ განვითარება და სწავლა გინდა, ამას ნებისმიერი ადგილიდან შეძლებ. შენი მომავლის შესაქმნელად არ არსებობს სწორი ადგილი ან სწორი დრო — შენ თავად ირჩევ მას. ჩემი მთავარი მიზანია, მიღებული ცოდნა სხვადასხვა ობიექტებისთვის მარკეტინგული კამპანიების შესაქმნელად გამოვიყენო. კამპუსის კურსის გავლის შემდეგ, უკვე შევიმუშავე მარკეტინგული სტრატეგია ერთ-ერთი კვების ობიექტისთვის ახალციხეში“.

კამპუსის პროგრამა მხოლოდ თეორიულ ლექციებს არ გულისხმობს. აქ მონაწილეები ინტერაქციულ ფორმატში სწავლობენ, უშუალო კონტაქტი აქვთ ლექტორებთან და მენტორებთან, მუშაობენ რეალურ პროექტებზე და აცნობიერებენ თანამოაზრეებს საქართველოს სხვადასხვა რეგიონიდან. ონლაინ ფორმატი მათ საშუალებას აძლევს, სწავლა საკუთარ ყოველდღიურობას მოარგონ და გეოგრაფიული ბარიერების გარეშე მიიღონ თანამედროვე, ხარისხიანი განათლება.

„თიბისი კამპუსის“ პროგრამაში უკვე 1 000-მდე ახალგაზრდაა ჩართული, რომელთა 57% რეგიონებიდანაა. ბოლო ნაკადი კი 112-მა სტუდენტმა წარმატებით დაასრულა. კამპუსთან ერთად, თიბისის უფასო ონლაინ განათლების ეკოსისტემა აერთიანებს „თიბისი ტექსკოლასა“ და „თიბისი IT აკადემიასაც“. თიბისის ონლაინ განათლების მთავარი მიზანია, ხარისხიანი ცოდნა ხელმისაწვდომი იყოს ფინანსურ და გეოგრაფიულ ბარიერებზე დამოუკიდებლად.

თიბისის ეს ინიციატივები ნამდვილად წარმოადგენს სწორ ადგილს განათლებისთვის — იქ, სადაც შენ ხარ!