გარდაიცვალა „სუხიშვილების“ ლეგენდარული მოცეკვავე და მკვლევარი რაულ მამალაძე

საქართველო კიდევ ერთ გამორჩეულ მოღვაწეს ემშვიდობება. 81 წლის ასაკში გარდაიცვალა ცნობილი ქართველი მოცეკვავე, „სუხიშვილების“ ოქროს თაობის სოლისტი და მოგვიანებით, ქართული კულტურის თავდადებული მკვლევარი, რაულ მამალაძე.

რაულ მამალაძე ქართული ქორეოგრაფიის ისტორიაში განსაკუთრებული ადგილი უკავია. 1967-1973 წლებში იგი იყო „სუხიშვილების“ ლეგენდარული ანსამბლის წამყვანი სოლისტი, რომლის ქარიზმატულმა შესრულებამ და არტისტულობამ მრავალი მაყურებლის გული დაიპყრო. მოგვიანებით, მამალაძე ანსამბლის სარეკლამო სახეც გახლდათ.

მოცეკვავის კარიერის დასრულების შემდეგ, რაულ მამალაძემ თავისი ცხოვრება მეცნიერულ კვლევებს მიუძღვნა. ის სიღრმისეულად იკვლევდა ქართული ენის, ქართული ანბანის ფენომენსა და იბერიულ კულტურას, რითაც მნიშვნელოვანი წვლილი შეიტანა ქართული მეცნიერების განვითარებაში. მისი შრომა აღიარებული იყო ეროვნულ დონეზე, რის გამოც იგი გახდა საქართველოს ეროვნულ მეცნიერებათა აკადემიის აკადემიკოსი და საქართველოს ხელოვნების ამაგდარი.

სამწუხარო ინფორმაცია „ქართული ქორეოგრაფიის ეროვნულმა ცენტრმა“ გაავრცელა. ორგანიზაცია ღრმა მწუხარებას გამოთქვამს რაულ მამალაძის გარდაცვალების გამო და თანაგრძნობას უცხადებს მის ოჯახის წევრებს, ახლობლებს, კოლეგებსა და მთელ ქართულ ქორეოგრაფიულ საზოგადოებას.