„ენერგო-პრო ჯორჯია“: 27 აგვისტოს ოზურგეთში ელექტროენერგიის მიწოდება შეიზღუდება

„ენერგო-პრო ჯორჯია“ ოზურგეთის მოსახლეობას აფრთხილებს! 27 აგვისტოს, ორშაბათს, ქალაქის ნაწილს ელექტროენერგიის მიწოდება დროებით შეუწყდება. მიზეზი ქსელის გეგმიური სარეაბილიტაციო სამუშაოებია, რაც ენერგომომარაგების სტაბილურობისა და საიმედოობისთვის არის აუცილებელი.

კომპანიის განცხადებით, ელექტროენერგია გაითიშება 13:00 საათიდან 18:00 საათამდე შუალედში. შეზღუდვა შეეხება ოზურგეთის შემდეგ ქუჩებს: თაყაიშვილის, ბარათაშვილის, გრიბოედოვის, გურიის, წუწუნავასა და მათ მიმდებარე ტერიტორიებს.

„ენერგო-პრო ჯორჯია“ ბოდიშს უხდის აბონენტებს შექმნილი დისკომფორტისთვის და მოუწოდებს გაგებით მოეკიდონ დროებით შეზღუდვას. ენერგომომარაგება სრულად აღდგება სარემონტო სამუშაოების დასრულებისთანავე, ჩვეულ რეჟიმში.