თბილისში ნარკოდანაშაული აღკვეთილია: პოლიციამ განსაკუთრებით დიდი ოდენობით „მეთადონი“ ამოიღო და 1 პირი დააკავა

შინაგან საქმეთა სამინისტროს ცნობით, საპატრულო პოლიციის დეპარტამენტის თბილისის მთავარი სამმართველოს თანამშრომლებმა განსაკუთრებით დიდი ოდენობით ნარკოტიკული საშუალების, კერძოდ „მეთადონის“, უკანონო შეძენა-შენახვისა და რეალიზაციის ხელშეწყობის ბრალდებით ერთი პირი დააკავეს.

უწყების მიერ გავრცელებული ინფორმაციის თანახმად, სამართალდამცველებმა დედაქალაქში ჩატარებული ოპერატიულ-საგამოძიებო მოქმედებების შედეგად, ბრალდებულის პირადი ჩხრეკისა და სხვადასხვა ლოკაციიდან, ნივთმტკიცებად ამოიღეს სარეალიზაციოდ გამზადებული, განსაკუთრებით დიდი მოცულობის ნარკოტიკული საშუალება „მეთადონი“.

გამოძიება ამჟამად მიმდინარეობს საქართველოს სისხლის სამართლის კოდექსის 260-ე და 260-ე კვარტა მუხლებით, რაც ნარკოტიკული საშუალების უკანონო შეძენა-შენახვასა და გასაღებას გულისხმობს. აღნიშნული დანაშაული ითვალისწინებს მკაცრ სასჯელს 20 წლამდე ან უვადო თავისუფლების აღკვეთის სახით.