რაჭაში 25 წლის რუსთაველი ახალგაზრდა ჩანჩქერთან დაიღუპა: დეტალები

ტრაგიკული შემთხვევა დატრიალდა რაჭაში, სადაც 25 წლის ახალგაზრდა მამაკაცი რუსთავიდან სიცოცხლეს გამოესალმა. ეს სამწუხარო ამბავი, რომელმაც საზოგადოება შეძრა, „ინფო რუსთავის“ ცნობით გახდა ცნობილი.

არსებული ინფორმაციით, ახალგაზრდა, რომელიც რაჭაში სტუმრად იმყოფებოდა, ჩანჩქერის მიმდებარე ტერიტორიაზე გადაადგილებისას ფეხის დაცურების გამო წაიქცა. დაცემის შედეგად მან თავი ქვას ძლიერად დაარტყა, რის შემდეგაც წყალში ჩავარდა. მიყენებული დაზიანებები სიცოცხლესთან შეუთავსებელი აღმოჩნდა.

მომხდარ ფაქტთან დაკავშირებით სამართალდამცავმა ორგანოებმა გამოძიება უკვე დაიწყეს. გამოძიების ფარგლებში დადგინდება უბედური შემთხვევის ყველა დეტალი და გარემოება.