The Rolling Stones-ის დრამერი ჩარლი უოტსი გარდაიცვალა
ინფორმაცია BBC-მ მუსიკოსის აგენტზე დაყრდნობით გაავრცელა.
ბრიტანელი მუსიკოსი 24 აგვისტოს, ლონდონის ერთ-ერთ საავადმყოფოში გარდაიცვალა, ოჯახის წევრების გარემოცვაში. ის 80 წლის იყო.
აგვისტოში ჩარლი უოტსმა უარი თქვა The Rolling Stones-ის საგასტროლო ტურში მონაწილეობაზე, რომელიც მანამდე პანდემიის გამო გადაიდო.
ჩარლი უოტსი - ყველა დროის ერთ-ერთი უდიდესი დრამერია. მისი სახელი მუდმივადაა გამოჩენილი დრამერების სიაში, რომლებსაც მუსიკალური გამოცემები ადგენენ. 1963 წლიდან ის ჯგუფ The Rolling Stones-სთან უკრავდა.