„არაფერი სერიოზული, დანის წართმევისას დაზიანდნენ თანამშრომლები" - თამაზ ქვლივიძის ადვოკატი
„უბრალოდ მოხდა კამათი, როდესაც ის არ შეუშვეს კლუბში და ამას მოჰყვა გაუგებრობა. არაფერი სერიოზული არ მომხდარა, დანის წართმევის დროს მიიღო დაზიანება რამდენიმე თანამშრომელემა" - ამბობს თამაზ ქვლივიძის ადვოკატი ზაზა მესხი „ლიბერალთან" საუბარში.
მისი თქით, „ალბათ, იმ კლუბის მეპატრონეებს მართლა ჰყავთ გავლენიანი ხალხი და უნდათ იმ სიმართლის დამალვა, რაც ხდება აღნიშნულ კლუბში და უნდათ, რომ პირველი ინსტანციის გადაწყვეტილება შეცვალონ". შეკითხვაზე, თუ რა „სიმართლეს" გულისხმობს იგი, ზაზა მესხი პასუხობს, რომ „რაღაც-რაღაც ეჭვები აქვს", თუმცა „იურისტია, და ეჭვების დონეზე ვერ ისაუბრებს".
საქმეზე წინასასამართლო სხდომა 5 მარტსაა ჩანიშნული. რაც შეეხება აღკვეთის ღონისძიებას, პროკურატურამ საქალაქო სასამართლოს გადაწყვეტილება სააპელაციოში გაასაჩივრა და პროცესი ხვალ, 12 საათზე გაიმართება.
თამაზ ქვლივიძემ კლუბ „ბასიანთან“ დიდუბე-ჩუღურეთის სამმართველოს მე-4 განყოფილების უფროსის მოადგილეს მიმდინარე წლის 13 იანვარს ცივი იარაღით სხეულზე დაზიანება მიაყენა. ინციდენტის დროს, ბრალდებულმა, ასევე, დაზიანებები მიაყენა კლუბ „ბასიანის“ დაცვის ორ თანამშრომელს. თბილისის საქალაქო სასამართლომ კი ის გირაოთი გაათავისუფლა.
ვერძეული: „ბასიანთან“ 3 პირის დაჭრაში ბრალდებულის გირაოთი გათავისუფლება კითხვებს აჩენს