კახიანი: ზოგიერთ საკითხზე, რომლებზეც თოფაძემ ისაუბრა, განსხვავებული აზრი მაქვს
ფრაქცია „ქართული ოცნება - მრეწველების" წევრ გიორგი კახიანის თქმით, გარკვეულ საკითხებში გოგი თოფაძისგან განსხვავებული შეხედულებები აქვს.
„მე პირადად ზოგიერთ საკითხზე, რაზეც ამ ბოლო დროს ბატონმა გოგიმ ისაუბრა და თავის მოსაზრებები დააფიქსირა, განსხვავებული შეხედულებები მაქვს" - თქვა კახიანმა.
დავით ბერძენიშვილმა პარლამენტის პლენარულ სხდომაზე განაცხადა, რომ ფრაქცია „ქართული ოცნება - მრეწველების" წევრებისგან პასუხს მოელის, თუ რამდენად შესაძლებლად მიაჩნიათ საქმიანობის გაგრძელება ფრაქციაში გოგი თოფაძის თავმჯდომარეობის პირობებში.
ბერძენიშვილმა გუშინ განაცხადა, რომ გოგი თოფაძე თავდაცვის მინისტრ თინა ხიდაშელის წინააღმდეგ „ორკესტრირებულ კამპანიას" მიმართავს.