მიხეილ-გელა სალუაშვილი მთაწმინდის ოლქის მაჟორიტარობისთვის იბრძოლებს
მიხეილ-გელა სალუაშვილი მთაწმინდის მაჟორიტარობისთვის იბრძოლებს. პარტია „სამართლიანობის აღდგენის კავშირი ხმა ერისა: უფალია ჩვენი სიმართლეს" ინფორმაციით, სალუაშვილი კანდიდატად ცესკომ უკვე დაარეგისტრირა.
მათვე თქმით, იგი შუალედური არჩევნებისათვის N1 მაჟორიტარულ საარჩევნო ოლქში პარლამენტის წევრობის პირველი რეგისტრირებული მაჟორიტარი კანდიდატია.
პარტია ვებგვერდზე უთითებს, რომ მათი მიზანია „როგორც ისტორიული სამართლიანობისა და კანონის უზენაესობის აღდგენა-დამკვიდრება; ასევე საქართველოს სულიერი მისიის ასრულების, ანუ მეორედ დიდებით მომავალი უფალი იესუ ქრისტეს საყოველთაო გაცხადებისწინარე დროის: ბოლო ჟამის დადგომის თაობაზე, ბიბლიაში არსებული წინასწარნაუწყები ნიშნების აცხადების დადასტურება".