რატომ არის Windows-ი კონკურენტ ოპერაციულ სისტემებს შორის ყველაზე პოპულარული?
უკვე თამამად შეიძლება ითქვას, რომ ციფრულ სამყაროში ასაკის მიუხედავად, თითქმის ყველას სმენია Windows-ზე და მის შემქმნელ კომპანია Microsoft-ზე. ასე რომ, თუ რა არის Windows-ი, რა ფუნქცია აქვს მას და როგორ შეიქმნა განხილვას არ საჭიროებს, თუმცა, მოდი განვიხილოთ ძალიან საინტერესო თემა:
ცხადია და ალბათ ისედაც დამეთანხმებით, რომ სამყაროში ყველაფერის ალტერნატივა მოიძებნება და ციფრული სამყარო რათქმაუნდა არაა გამონაკლისი.
macOS, Linux, Chrome OS, FreeBSD, ReactOS - ყველა თუ არა ალბათ ერთ-ერთი მაინც იცით ხომ?
სწორედ ეს არის ის ალტერნატივები რომელზეც ვსაუბრობდი, თუმცა რამდენად გამოიყენებდით ან ვინ რატომ იყენებს უნდა განვიხილოთ.
მოდი გავერკვეთ Windows-ის კონკურენტ ოპერაციულ სისტემებს შორის ყველაზე პოპულარული სისტემების დადებით და უარყოფით მხარეებში:
•MacOS – რომელიც, როგორც იცით Apple-ის მიერ შექმნილი ოპერაციული სისტემა და გამოიყენება Mac კომპიუტერებზე.
სხვათა შორის გამოირჩევა მაღალი უსაფრთხოებით, ინტეგრირებული ეკოსისტემით და რათქმაუნდა სტაბილურობით.
•Linux – ღია კოდის ოპერაციული სისტემბაა და მუშაობს როგორც სერვერებზე, ისე მობილურ მოწყობილობებზე, პერსონალურ კომპიუტერებზე, ჩადგმულ სისტემებზე. Linux ცნობილია მდგრადი უსაფრთხოების მექანიზმით და მას ხშირად იყენებენ როგორც სერვერებზე ასევე მნიშვნელოვან სისტემებში.
•Chrome OS – მიხვდებოდი, რომ Google-ის მიერ შექმნილი ოპერაციული სისტემაა და ძირითადად მუშაობს Chromebook-ებზე.
•FreeBSD – შეიძლება არ გსმენია მის შესახებ, მაგრამ მოკლედ რომ განვიხილოთ ეს არის UNIX-ის საფუძველზე შექმნილი სისტემა და გამოიყენება სერვერებზე რადგან უსაფრთხოების ძალიან მაღალი სტანდარტებით გამოირჩევა.
•ReactOS – იცოდი, რომ ღია კოდის სისტემაა და ძალიან ცდილობს ყველასთვის საყვარელი Windows-ის ანალოგი იყოს. სხვათაშორის თავსებადია Windows-ის პროგრამებთან.
მრავალფეროვნების მიუხედავად Windows მაინც ინარჩუნებს უპირატესობას, რაც რამდენიმე მიზეზითაა განპირობებული:
》მარტივი, ყველასთვის გასაგები ინტერფეისი
მომხმარებლების უმეტესობისთვის Windows-ის ინტერფეისი უკვე ნაცნობია და თუ არა მაშინ ძალიან მარტივად ეგუება და ითვისებს.
შესაბამისად ინტერფეისი მოსახერხებელია დამწყებთათვისაც.
》პროდუქტების ფართო თავსებადობა
იცოდი, რომ Windows-ისთვის ყველაზე მეტი პროგრამა და თამაში არის შექმნილი და ასევე მრავალფეროვანი დრაივერები და აპარატურა უჭერს მხარს?
》მრავალ ფუნქციური და მოქნილი
Windows იდეალურად მუშაობს სხვადასხვა მოწყობილობებთან: ლეპტოპები, დესკტოპები, ჰიბრიდული მოწყობილობები. და ასევე ინტეგრირებულია Microsoft-ის სერვისებთან (OneDrive, Xbox, Office 365).
》გეიმინგი (Gaming) და მაღალი წარმადობა
ყველაზე უკეთ გეიმერებმა იციან, რომ Windows აქვს DirectX-ის მხარდაჭერა, ასევე Steam, Epic Games და სხვა პლატფორმები ძირითადად Windows-ზე არის ოპტიმიზებული.
ყველაზე მნიშვნელოვანი კი არის ის, რომ სათამაშო ლეპტოპები და დესკტოპები უმეტესად Windows-ის ოპტიმიზაციით იყიდება.
》რეგულარული განახლებები
Microsoft მუდმივად უზრუნველყოფს უსაფრთხოების რეგულარულ განახლებებს.
მოკლედ, როგორც უკვე აღვნიშნეთ, Windows-ის პოპულარობის ერთ-ერთი მთავარი მიზეზი მისი მარტივი ინტერფეისი და გლობალური გავრცელებაა მაგრამ, ალტერნატიულმა ოპერაციულმა სისტემებმა რაღაც ნაწილებში შეიძლება აჯობონ კიდეც, მაგალითად:
Linux არის უსაფრთხო, მოქნილი და რაც მთავარია უფასო, თუმცა აქვე უნდა აღვნიშნოთ, რომ ბევრ კომერციულ პროგრამასთან არ არის თავსებადი.
macOS რაც შეეხება აქვს უკეთესი დიზაინი, უსაფრთხოება და ოპტიმიზაცია, თუმცა აპარატურული არჩევანი შეზღუდულია.
Chrome OS – ფუნქციონალურად არის შეზღუდული, მაგრამ, არის სწრაფი და მსუბუქი.
FreeBSD – გამოიყენება საიმედო სერვერებისთვის, თუმცაღა სამომხმარებლო დონეზე გამოსაყენებლად ნაკლებად პოპულარულია.
მოკლედ, თუ შენ გჭირდება მაქსიმალური პროგრამული თავსებადობა, მრავალფეროვანი აპარატურული არჩევანი, თამაშების მხარდაჭერა, მარტივი და გასაგები ინტერფეისი და მუდმივი სიახლეები მაშინ, Windows საუკეთესო ვარიანტია. თან არ დაგავიწყდეს, რომ ვინდოუსი 40 წელზე მეტია რაც ბაზარზეა და სანდოობით სარგებლობს ხალხსა თუ კომპანიებში.
მსგავსი სტატიები:
ხრიკები Windows-ის ეფექტურად გამოყენებისთვის
რა არის „Windows“-ი და საჭიროებს თუ არა რეგულარულად გადაყენებას?