შსს: ნინოწმინდის რაიონში მამაკაცმა ცოლი მოკლა

შსს-ს ინფორმაციით, დღეს ნინოწმინდის რაიონის სოფელ ყაურმაში მამაკაცმა ცოლი ცივი იარაღით მოკლა.  როგორც „ლიბერალს“ შსს-ს პრესსამსახურში განუცხადეს, პოლიციამ მეუღლის მკვლელობაში ბრალდებული მამაკაცი ცხელ კვალზე დააკავა. დაკავებული დანაშაულს აღიარებს.  გამოძიება 11 პრიმა 108-ე მუხლით მიმდინარეობს, რაც ოჯახში ჩადენილ განზრახ მკვლელობას გულისხმობს.