ვეფხია ბაქრაძის აღკვეთის ღონისძიებაზე სასამართლო ხვალ იმსჯელებს
ბარნოვის ქუჩაზე მოკლული ახალგაზრდა ქალის საქმეზე დაკავებული ვეფხია ბაქარაძის აღკვეთის ღონისძიების შეფარდების საკითხზე საქალაქო სასამართლო ხვალ, 13:00 საათზე იმსჯელებს. ამის შესახებ ინფორმაცია საქალაქო სასამართლოდან მოგვაწოდეს.
13 აპრილს 25 წლის ქალი ბარნოვის ქუჩაზე მდებარე სახლში მოკლეს. მას მცირეწლოვანი შვილების თანდასწრებით დედის ყოფილმა მეუღლემ გამოჭრა ყელი.
ბრალდებული დაკავებულია. მას ბრალი სისხლის სამართლის კოდექსის 11 პრიმა 109–ე მუხლით ედება, რაც ოჯახში ძალადობის ნიადაგზე ჩადენილ განზრახ მკვლელობას დამამძიმებელ გარემოებაში გულისხმობს.
ვეფხია ბაქრაძეს ბრალის დამტკიცების შემთხვევაში 16–დან 20 წლამდე ან უვადო პატიმრობა ემუქრება.
დაკავებული ოჯახში ძალადობის ბრალდებით მანამდეც იხდიდა სასჯელს, მაგრამ ის პრეზიდენტმა შეიწყალა. სასჯელი გაუნახევრდა და საპატიმრო დაწესებულება ვადაზე ადრე 2017 წლის 25 მაისს დატოვა.
რატომ შეიწყალა ბარნოვზე 25 წლის ქალის მკვლელობაში ბრალდებული - პრეზიდენტის არგუმენტები
ბარნოვზე მოკლული ქალის შვილების მდგომარეობას სოცსააგენტო შეისწავლის