ვოლსკი „გირჩის“ აქციაზე - ეშმაკეულის გარდა ამას ვერც ვერავინ იტყვის და გააკეთებს
პარლამენტის ვიცე - სპიკერმა გია ვოლსკიმ ჟურნალისტებთან „გირჩის“ გუშინდელ აქციაზე ისაუბრა. მისი თქმით, ეშმაკეულის გარდა ამას ვერავინ იტყვის და გააკეთებს.
გუშინ, 25 ნოემბერს, ბიძინა ივანიშვილის სახლთან „გირჩის“ აქტივისტებმა აქცია-პერფორმანსი „მეფე ბიძინას ვუმღეროთ თავის რეზიდენციასთან" გამართეს.
აქციის მონაწილეებმა მსვლელობა პარლამენტის შენობიდან დაიწყეს. მათ თან ჰქონდათ „ხატები" ბიძინა ივანიშვილის გამოსახულებით. აქტივისტებმა რეზიდენციასთან სანთლები აანთეს და ივანიშვილს სიმღერა „ვხედავ მეცხვარეს“ უმღერეს.