ხრიკები Windows-ის ეფექტურად გამოყენებისთვის

Windows-ი რომ ისედაც მარტივი ოპერაციული სისტემაა ყველა ვთანხმდებით, თუმცა, სიმარტივეშიც შეიძლება სიმარტივე იპოვო და დაზოგო დრო.

და შენ იცოდი, რომ Windows-ის ეფექტურად გამოყენებისთვის უამრავი ხრიკი არსებობს?

მოდი განვიხილოთ ხრიკები, რომლებიც მუშაობას გაგიმარტივებს.

ახლა შეიძლება ცოტა რთულად მოგეჩვენოს, მაგრამ მაშინ, როცა შენი ძირითადი სამსახური კომპიუტერს უკავშირდება, დროის დაზოგვა და მოქნილობა დიდი პლუსია.

მაშ ასე:

》სწრაფი ძებნა და პროგრამების გაშვება

Win + R – „Run“ ფანჯრის გახსნა;

Win + S – საძიებო ზოლის სწრაფად გახსნისთვის.

》კლავიატურის კომბინაციები (Hotkeys)

ეს ძალიან საინტერესო კომბინაციები მუშაობას მნიშვნელოვნად აჩქარებს:

Win + D – ყველა ფანჯრის დამალვა/ჩვენება;

Win + L – კომპიუტერის დაბლოკვა;

Win + E – File Explorer-ის გახსნა;

Win + Tab – ღია ფანჯრების გადახედვა/ვირტუალური დესკტოპების მართვა;

Win + Shift + S – ეკრანის მონაკვეთის გადაღება (Snipping Tool);

Win + „+“ – ეკრანის გადიდება (Magnifier);

Ctrl + Shift + Esc – Task Manager-ის პირდაპირ გახსნა;

Alt + Tab – ღია პროგრამებს შორის სწრაფი გადართვა;

რთული ხომარ ჩანს? გამოიყენეთ რამოდენიმეჯერ და ნახავთ, რომ მარტივად დაგამახსოვრდებათ.

 

》 ვირტუალური დესკტოპები

ეს არის მულტითასქერი ადამიანებისთვის ანუ მათთვის, ვინც ბევრ საქმეს ერთდროულად აკეთებს.

Win + Ctrl + → / ← – დესკტოპებს შორის გადართვა;

Win + Ctrl + D – ახალი ვირტუალური დესკტოპის შექმნა;

Win + Ctrl + F4 – მიმდინარე ვირტუალური დესკტოპის დახურვა.

 

》 ეკრანის გაყოფა (Multitasking)

Win + ← / → – ფანჯარა ეკრანის მარცხენა ან მარჯვენა მხარეს გადაიტანს, ხოლო ფანჯრის მაქსიმალიზაცია ან მინიმალიზაციისთვის გამოიყენეთ

Win + ↑ / ↓ .

 

》 ფარული მენიუები და ფუნქციები

Win + X – სწრაფი მენიუ სისტემური პარამეტრებისთვის, Task Manager;

Ctrl + Shift + მარჯვენა ღილაკი პროგრამაზე – „Run as administrator“ პირდაპირ გამოჩნდება.

 

》მუქი რეჟიმის (Dark Mode) ჩართვა

Settings → Personalization → Colors → Dark Mode – დაზოგავს ენერგიას და რაც მნიშვნელოვანია არ ღლის თვალებს.

 

》Wi-Fi პაროლის ნახვა

ალბათ ძალიან ბევრისთვის გამოსადეგი ინფორმაცია იქნება.

თუ დაგავიწყდა Wi-Fi პაროლი:

გახსენი Command Prompt (cmd) როგორც ადმინი და ჩაწერე:

Netsh wlan show profile name=“Wi-Fi სახელი key=clear.

„Key Content“-ის გვერდით დაინახავ პაროლს.

 

》სწრაფი ჩართვა და გამორთვა (Fast Startup)

თუ კი გინდა, რომ Windows-მა ჩართვისას უფრო სწრაფად იმუშაოს, მაშინ:

Control Panel → Power Options – Choose what the power buttons do და ჩართე Turn on fast startup (თუ არაა აქტიური, დააჭირე „Change settings that are currently unavailable“).

 

Microsoft-ის სხვა მნიშვნელოვანი პროდუქტები

ყველასთვის საყვარელი Windows ეკუთვნის Microsoft-ს, რომელიც ბილ გეითსმა და პოლ ალენმა დააარსეს 1975 წელს.

Windows პირველად 1985 წელს გამოვიდა და მას შემდეგ ყველაზე პოპულარული საოპერაციო სისტემა გახდა, მაგრამ, Microsoft არა მხოლოდ Windows-ს ქმნის, არამედ სხვა პროდუქტებსაც, მათ შორის Microsoft Office-ს.

რას მოიცავს Microsoft Office?

Word – ტექსტური დოკუმენტებისთვის;

Excel – ცხრილების და მონაცემების ანალიზისთვის;

PowerPoint – პრეზენტაციების შესაქმნელად.

ეს პროგრამები ოპტიმიზებულია Windows-ზე, მაგრამ დღეს მათი გამოყენება ასევე შესაძლებელია macOS-სა და ვებ-ბრაუზერებშიც.

მოკლედ, Office პროგრამები უშუალოდ Windows არ ეკუთვნის, თუმცა რადგან ორივე Microsoft-ის პროდუქტია, ერთად ძალიან კარგად მუშაობენ.

Microsoft-ის ძირითადი პროდუქტები:

 

》 საოპერაციო სისტემები:

Windows – ყველაზე ცნობილი ოპერაციული სისტემა.

 

》 საოფისე პროგრამები (Microsoft 365 / Office Suite):

Word – ტექსტური დოკუმენტების შექმნა;

Excel – ცხრილების და მონაცემთა ანალიზი;

PowerPoint – პრეზენტაციების მომზადებ;

Outlook – ელფოსტის მართვა;

OneNote – ციფრული შენიშვნები;

Teams – მარტივი, დისტანციური დომუნიკაცია.

 

》 ღრუბლოვანი სერვისები:

OneDrive – ფაილების შენახვა ღრუბელში;

Azure – ღრუბლოვანი ჰოსტინგი და სერვისები.

 

》დეველოპმენტისა და IT-ის ხელსაწყოები:

GitHub;

Visual Studio ;

Power Automate.

 

》სათამაშო პროდუქტები:

Xbox;

DirectX.

 

》 ბრაუზერები და საძიებო სისტემები:

Microsoft Edge;

Bing.

 

》 AI და ჩატბოტები:

Copilot;

Azure AI სერვისები.

 

მოკლედ, როგორც ხედავთ Microsoft საკმაოდ მრავალფეროვანია ხოლო Windows კი საკმაოდ მოთხოვნადი და გამოყენებადი. იმედია ინფორმაციას და ხრიკებს საინტერესოდ გამოიყენებ.

მსგავსი სტატიები:

რატომ არის Windows-ი კონკურენტ ოპერაციულ სისტემებს შორის ყველაზე პოპულარული?

რა არის „Windows“-ი და საჭიროებს თუ არა რეგულარულად გადაყენებას?

5 ხრიკი რომელიც უნდა გამოიყენო ვინდოუსის გადაყენების დროს