ზურაბ ჯაშმა ფიზიკის საერთაშორისო ოლიმპიადაზე ვერცხლის მედალი აიღო
ქართველი მოსწავლე ფიზიკის საერთაშორისო ოლიმპიადაზე ვერცხლის მედლის მფლობელი გახდა.
განათლების სამინისტროს ცნობით, პორტუგალიაში, ქ. ლისაბონში, ფიზიკაში მოსწავლეთა 49-ე საერთაშორისო ოლიმპიადა (IPhO) დასრულდა, სადაც საქართველო მოსწავლეთა ხუთკაციანი ნაკრებით იყო წარმოდგენილი. ასპარეზობაზე საუკეთესო შედეგი აჩვენა და ვერცხლის მედალი მოიპოვა ზურაბ ჯაშმა (ვეკუას სკოლა). საპატიო სიგელები გადაეცათ კომაროველებს - დავით მდინარაძესა და ალექსანდრე მერაბიშვილს.
წელს ოლიმპიადაში 80 ქვეყნის 400 მოსწავლე მონაწილეობდა.